மெட்டா நிறுவனத்தின் தலைமை செயல் அதிகாரி மார்க் சக்கர்பெர்க், செயற்கை பொது நுண்ணறிவு (AGI) என்ற மனிதர்களை ஒத்த அல்லது மீறக்கூடிய திறன்களை கொண்ட தொழில்நுட்பத்தை உருவாக்கும் நோக்கில், புதிய சிறப்பு குழுவை நேரடியாக அமைக்கும் பணியில் ஈடுபட்டுள்ளார்.
சக்கர்பெர்க் தனது திட்டங்களை நன்கு அறிந்தவர்களின் தகவலின்படி, 'சுப்பர்இன்டலிஜென்ஸ் குழு' என உள்ளடகமாக அழைக்கப்படும் இந்த ரகசிய குழுவுக்காக நிபுணர்களை தேர்வு செய்வதை முன்னுரிமை அளித்து வருகிறார். பல்வேறு பணிகளில் மனிதர்களை ஒத்தவாறு இயந்திரங்கள் செயல்படக்கூடிய AGI இலக்கை மற்ற தொழில்நுட்ப நிறுவனங்களை விட விரைவில் அடைய வேண்டும் என்பதே அவரது துணிச்சலான நோக்கம்.
இந்த குழுவில் சுமார் 50 பேர் இருப்பார்கள், இதில் புதிய ஏஐ ஆராய்ச்சி தலைவர் உட்பட பெரும்பாலான நிபுணர்களை சக்கர்பெர்க் நேரடியாக தேர்வு செய்கிறார். மெட்டாவின் மென்லோ பார்க் தலைமையகத்தில், இந்த புதிய குழு அவருக்கு அருகில் பணியாற்றும் வகையில் அலுவலக அமைப்பை சக்கர்பெர்க் மாற்றியமைத்துள்ளதாக Bloomberg தெரிவித்துள்ளது.
இந்த ஏஐ முயற்சிக்கு இணையாக, மெட்டா Scale AI என்ற தரவு உள்கட்டமைப்பு ஸ்டார்ட்அப்பில் $10 பில்லியனுக்கும் அதிகமாக முதலீடு செய்துள்ளதாக தகவல் வெளியாகியுள்ளது. AI மாடல்களை பயிற்சி செய்ய தேவையான தரவு லேபிளிங் சேவைகளை வழங்கும் இந்த நிறுவனத்தில் முதலீடு, தனியார் நிறுவனங்களுக்கு கிடைக்கும் மிகப்பெரிய நிதி உதவிகளில் ஒன்றாகும். Scale AI நிறுவனர் அலெக்ஸாண்டர் வாங், இந்த ஒப்பந்தம் நிறைவடைந்ததும் மெட்டாவின் AGI குழுவில் இணைவார் என Bloomberg தெரிவித்துள்ளது.
மெட்டாவின் ஏஐ வளர்ச்சியில் உள்ள சவால்கள் மத்தியில் இந்த சுப்பர்இன்டலிஜென்ஸ் முயற்சி தொடங்கப்பட்டுள்ளது. மெட்டாவின் சமீபத்திய பெரிய மொழி மாதிரி Llama 4, எதிர்பார்த்த அளவு வரவேற்பை பெறவில்லை என கூறப்படுகிறது. 2023-ஆம் ஆண்டு வெளியான Llama ஆராய்ச்சி கட்டுரையின் 14 ஆசிரியர்களில் 11 பேர் தற்போது நிறுவனத்தை விட்டு வெளியேறியுள்ளனர்; புதிய Llama மாதிரிகள் வேறு குழுவினரால் உருவாக்கப்படுகின்றன.
மெட்டா AGI இலக்கை அடைந்ததும், இந்த மேம்பட்ட திறன்களை தனது அனைத்து தயாரிப்புகளிலும் — சமூக ஊடகம், தொடர்பு தளங்கள் மட்டுமல்லாமல், மெட்டா சாட்பாட் மற்றும் ஏஐ இயக்கும் ரே-பான் கண்ணாடிகள் போன்ற ஏஐ கருவிகளிலும் — ஒருங்கிணைக்க திட்டமிட்டுள்ளது. மெட்டாவின் ஏஐ உதவியாளர், மே 2025-இல் சக்கர்பெர்க் அறிவித்தபடி, நிறுவனத்தின் பயன்பாட்டு செயலிகளில் மாதத்திற்கு ஒரு பில்லியன் செயல்படும் பயனாளர்களை கொண்டுள்ளது. 'இந்த ஆண்டின் முக்கியக் கவனம், அனுபவத்தை ஆழப்படுத்துவதும், மெட்டா ஏஐயை முன்னணி தனிப்பட்ட ஏஐயாக மாற்றுவதும்; தனிப்பயனாக்கம், குரல் உரையாடல் மற்றும் பொழுதுபோக்கு ஆகியவற்றில் அதிக கவனம் செலுத்துவதாக' சக்கர்பெர்க் தெரிவித்துள்ளார்.
மெட்டா இந்த ஆண்டு ஏஐ மேம்பாட்டுக்காக சுமார் $65 பில்லியன் செலவிட திட்டமிட்டுள்ளது, இது செயற்கை நுண்ணறிவு வளர்ச்சிக்கான நிறுவனத்தின் உறுதியை காட்டுகிறது. சக்கர்பெர்க் தற்போது 'நிறுவனர் முறை'யில் செயல்பட்டு, மேலாண்மையில் நேரடி ஈடுபாடு அதிகரித்துள்ள நிலையில், சுப்பர்இன்டலிஜென்ஸ் நோக்கி போட்டி மெட்டாவுக்கு மிக முக்கிய முன்னுரிமையாக மாறியுள்ளது.